LIVERAGE™ და LIVERAGE™ Cirrhosis კვლევების ფარგლებში ხდება ღვიძლის ცხიმოვანი დაავადების სხვადასხვა სტადიის მქონე პირებში ერთი და იმავე საკვლევი პრეპარატის შეფასება.
როგორც LIVERAGE™, ასევე LIVERAGE™ Cirrhosis საკვლევ პრეპარატს სურვოდუტიდი ეწოდება. სურვოდუტიდი შექმნილია რათა:
- პაციენტს ხელი შეუწყოს წონის დაკლებასა და ენერგიის მოხმარების ზრდაში.
- გააუმჯობესოს სისხლში გლუკოზის დონეები.
- შეამციროს ღვიძლის ცხიმოვანი შემცველობა და ღვიძლის სიხისტე.
ორივე კვლევაში ხდება სურვოდუტიდის პლაცებოსთან შედარება. პლაცებო ჰგავს სურვოდუტიდს, თუმცა მას თერაპიული ღირებულება არ გააჩნია.
თქვენ გექნებათ სურვოდუტიდის მიღების 3-დან 2 შანსი (67%), ხოლო პლაცებოს მიღების 3-დან 1 შანსი (33%). აღნიშნული, შემთხვევითობის პრინციპით (მაგ. ალბათურად) კომპიუტერის მიერ აირჩევა. არც თქვენ და არც კვლევის გუნდს არ გეცოდინებათ, სურვოდუტიდს იღებთ თუ პლაცებოს. კლინიკურ კვლევებში მოცემულ სტრატეგიას ხშირად მიმართავდნენ, რათა უზრუნველყოფილ იქნეს კვლევის შედეგების სამართლიანად, რაიმე მიკერძოებული აზრისა თუ მოლოდინების გარეშე დამუშავება.
როგორც სურვოდუტიდი, აგრეთვე პლაცებო ყოველ კვირაში ერთხელ, უბრალოდ კანქვეშ, თვითინექციის ფორმით მიიღება. მოხდება თქვენთვის საკვლევი ინექციების თქვენივე ხელით გაკეთების შესაბამისი დემონსტრირება. აგრეთვე ჩაგიტარდებათ სრულფასოვანი ტრენინგი, რათა დარწმუნდეთ, რომ თქვენ შეგიძლიათ და გაქვთ თავდაჯერებულობის შესაბამისი დონე აღნიშნულის გასაკეთებლად. თუკი თვითინექცირებას ვერ შეძლებთ, ხელმისაწვდომი იქნება სხვა ალტერნატივებიც.
პრეპარატთა უმრავლესობა (დამტკიცებული და საკვლევი პრეპარატები) ხასიათდება მათ გამოყენებასთან დაკავშირებული რიგი გვერდითი ეფექტებით. თუმცა, ნაკლებად სავარაუდოა რომ ისინი ყველას განუვითარდეს. წინა კლინიკური კვლევების შედეგებზე დაყრდნობით, მთავარი გვერდითი ეფექტები თქვენს საჭმლის მომნელებელ სისტემას უკავშირდება. სურვოდუტიდთან დაკავშირებული ნებისმიერი გვერდითი ეფექტი, მოსალოდნელია რომ იქნება დროებითი, მარტივად დასაკვირვებელი და კვლევის მოწყობის პირობებში მართვადი. თუკი მონაწილეობის მიღებით დაინტერესდებით, კვლევის გუნდის წევრი თქვენთან სიამოვნებით განიხილავს ამ თემას.
ჯანსაღი ცხოვრების სტილის არჩევანის შესათვისებლად მიიღებთ ხანგრძლივ ნუტრიციულ და ფიზიკურ აქტივობებთან დაკავშირებულ რჩევებს.
მოცემულ კვლევებს არ აქვს ფიქსირებული ხანგრძლივობა. LIVERAGE™ კვლევაში მონაწილეობა შესაძლოა დაახლოებით 7 წლამდე გაგრძელდეს. LIVERAGE™ Cirrhosis კვლევაში მონაწილეობა შესაძლოა 4,5 წლამდე გაგრძელდეს.
დაესწრებით კვლევის რეგულარულ ვიზიტებს. ზოგიერთი მათგანი კვლევით ცენტრში წარიმართება, ხოლო მათი ნაწილი დისტანციურადაც, ვიდეოზარის საშუალებით შეიძლება ჩატარდეს. თავდაპირველად, ვიზიტები ყოველ 2 კვირაში ერთხელ, მოგვიანებით ყოველ 4 კვირაში ერთხელ, შემდგომ, მე-6 თვიდან — ყოველ 6 კვირაში ერთხელ ჩატარდება.
კვლევის მანძილზე, მოგეთხოვებათ შევასოთ დღიურები და ჩაიწეროთ საკვლევი ინექციების მიღების თარიღები და დროები და აგრეთვე განახორციელოთ თქვენი ნუტრიციული და ფიზიკური აქტივობის შესახებ დეტალების ჩანიშვნა.
შესაძლოა მოგთხოვონ ღვიძლის ერთი ან მეტი ბიოფსიის ჩატარება. აღნიშნული გულისხმობს კვლევით ცენტრში, პროცედურის განმავლობაში თქვენი ღვიძლის ქსოვილიდან მისი მცირე ოდენობის ამოღებას. პირდაპირ გულმკერდის ქვემოთ ნემსის გავლამდე, ჩაგიტარდებათ ადგილობრივი გაუტკივარება. ნემსი სპეციალურად ისეა შექმნილი, რომ შეძლოს ღვიძლის ქსოვილის მცირე ოდენობის აღება. პროცედურის მიმდინარეობის განმავლობაში, მკვლევარი ექიმი თქვენი ორგანიზმის მიმდინარე გამოსახულებას ეკრანზე დაინახავს. მოცემული გვერდის ქვედა ნაწილში იხილავთ ვიდეოს, რომელშიც ახსნილია თუ რას უნდა მოელოდეთ აღნიშნული პროცედურის განმავლობაში.