LIVERAGE™ અને LIVERAGE™ Cirrhosis અભ્યાસોમાં અભ્યાસની સમાન દવાની એ જોવા માટે આકારણી થઈ રહી છે કે તે ફેટી લીવરના રોગના વિવિધ તબક્કાથી પીડિત લોકો માટે લીવરના આરોગ્યમાં સુધારો કરી શકે છે કે કેમ.
LIVERAGE™ અને LIVERAGE™ Cirrhosis એમ બંનેમાં રહેલી અભ્યાસની દવાને survodutide કહેવાય છે. Survodutideની રચના આ માટે થયેલી છે:
- શરીરના વજનમાં ઘટાડો કરવા અને ઊર્જાના ઉપયોગમાં વધારો કરવામાં મદદ કરવા.
- બ્લડ શુગરના સ્તરોને બહેતર બનાવવા.
- લીવરની ચરબીના કન્ટેન્ટ અને લીવરના કડકપણા (કઠણતા)ને ઘટાડવા.
બંને અભ્યાસોમાં survodutideની સરખામણી પ્લેસીબો સાથે કરવામાં આવી રહી છે. પ્લેસીબો survodutideની જેમ જ દેખાય છે, પરંતુ તેમા કોઈ ઉપચારાત્મક મૂલ્ય હોતું નથી.
તમારી પાસે survodutide મેળવવાની3માંથી 2 (67%) તક અને પ્લેસીબો મેળવવાની 3માંથી 1 (33% તક) હશે. આ, કમ્પ્યુટર દ્વારા રેન્ડમ (એટલે કે, તક દ્વારા) પસંદ કરવામાં આવશે. ન તો તમે ન તો અભ્યાસની ટીમ એ જાણશે કે તમે survodutide મેળવી રહ્યા છો કે પ્લેસીબો. પરિણામોને ન્યાયોચિત રીતે, કોઈ પણ પક્ષપાતી અભિપ્રાયો અથવા અપેક્ષા વિના હેન્ડલ કરવામાં આવે તેની ખાતરી કરવા માટે ક્લિનિકલ અભ્યાસોમાં ઘણી વાર આ વ્યૂહરચનાનો ઉપયોગ કરવામાં આવે છે.
Survodutide અને પ્લેસીબો એ બંને ત્વચાની બસ નીચે જાતે લેવાતા ઇન્જેક્શન દ્વારા દર સપ્તાહે એક વાર આપવામાં આવશે. તમને પોતાને અભ્યાસનાં ઇન્જેક્શન કેવી રીતે આપવાં તે તમને બતાવવામાં આવશે. તમે આ કરવા માટે સમર્થ છો અને આત્મવિશ્વાસ ધરાવો છો તેની ખાતરી કરવા માટે સંપૂર્ણ તાલીમ પ્રદાન કરવામાં આવશે. જો તમે જાતે ઇન્જેક્શન લેવામાં સમર્થ ન હો તો અન્ય વ્યવસ્થાઓ કરવામાં આવી શકે છે.
મોટાભાગની દવાઓ (મંજૂર અને અભ્યાસની દવાઓ)ની તેમના ઉપયોગ સાથે સંકળાયેલી કેટલીક આડઅસરો હોય છે. જોકે, દરેકને તેમનો અનુભવ થાય એવી અપેક્ષા રાખવામાં આવતી નથી. અગાઉના ક્લિનિકલ અભ્યાસોનાં પરિણામોના આધારે, મુખ્ય આડઅસરો તમારા પાચન તંત્રથી સંબંધિત હોય છે. Survodutide સાથે સંબંધિત કોઈ પણ આડઅસરો કામચલાઉ, નિરીક્ષણ કરવામાં સરળ અને અભ્યાસના સેટિંગમાં કાબૂમાં કરી શકાય તેવી હોય એવી અપેક્ષા રાખવામાં આવે છે. જો તમને ભાગ લેવામાં રુચિ હોય, તો અભ્યાસની ટીમના સભ્યને તમારી સાથે આ વિષય પર ચર્ચા કરવામાં ખુશી થશે.
તમને સ્વાસ્થ્યપ્રદ જીવનશૈલી સંબંધી પસંદગીઓ અપનાવવામાં સપોર્ટ કરવા માટે તમને લાંબા-ગાળાના પોષણ અને શારીરિક પ્રવૃત્તિ સંબંધી સલાહ મળશે.
અભ્યાસોનો કોઈ નિશ્ચિત સમયગાળો નથી. LIVERAGE™ અભ્યાસમાં સહભાગિતા લગભગ 7 વર્ષ સુધી ચાલી શકે છે. LIVERAGE™ Cirrhosis અભ્યાસમાં સહભાગિતા લગભગ 4.5 વર્ષ સુધી ચાલી શકે છે.
તમે નિયમિત અભ્યાસની મુલાકાતોમાં હાજરી આપશો. કેટલીક અભ્યાસની સાઇટ ખાતે થશે, અન્યને વીડિયો કૉલના માધ્યમથી રિમોટલી ગોઠવવામાં આવી શકે છે. મુલાકાતો શરૂઆતમાં દર 2 સપ્તાહે થશે, આગળ વધીને દર 4 સપ્તાહે થશે અને તે પછી મહિના 6થી આગળ દર 6 સપ્તાહે થશે.
સમગ્ર અભ્યાસ દરમિયાન, તમારે અભ્યાસનાં તમારાં ઇન્જેક્શનની તારીખ અને સમયને રેકોર્ડ કરવા તથા તમારા પોષણ અને શારીરિક પ્રવૃત્તિ વિશેની વિગતોને લૉગ કરવા માટે ડાયરીઓ ભરવી જરૂરી રહેશે.
તમારે એક કે તેથી વધુ લીવર બાયોપ્સી કરાવવાની જરૂર પડી શકે છે. આનો અર્થ એ થાય કે અભ્યાસની સાઇટ ખાતે એક પ્રક્રિયા દરમિયાન તમારા લીવરની પેશીની નાનકડી માત્રા કાઢી લેવામાં આવે છે. તમારી જમણી પાંસળીની બસ નીચેથી સોય પસાર કરવામાં આવે તેની પહેલાં તમને સ્થાનિક એનેસ્થેસિયા આપવામાં આવશે. સોયની ખાસ કરીને એવી રીતે રચના કરવામાં આવી છે કે જેથી તે લીવરની પેશીનો નાનકડો ભાગ કાઢી શકે. અભ્યાસના ડૉક્ટર પ્રક્રિયા કરતી વખતે સ્ક્રીન પર તમારા શરીરની લાઇવ ઇમેજ જોઈ શકશે. તમે પ્રક્રિયા દરમિયાન શેની અપેક્ષા રાખી શકો તે વર્ણવતા વીડિયો માટે નીચે સ્ક્રોલ કરીને આ પેજના સૌથી નીચેના ભાગમાં જાઓ.
